Proceso selectivo: Policia Local

Procesos

2018

No DOG núm. 134 do 13 de xullo de 2018 publícase a ORDE do 4 de xullo de 2018 pola que se convoca o proceso selectivo unitario para o ingreso nos corpos de policía local, categoría de policía, quenda de acceso libre.

No BOE núm. 175 do 20 de xullo de 2018 publícase a Resolución do 13 de xullo de 2018, da Vicepresidencia e Consellería de Presidencia, Administracións Públicas e Xustiza, referente á convocatoria de prazas de Policía Local en distintos concellos.

Prazo de presentación de solicitudes: do 21 de xullo ao 21 de agosto de 2018, ambos inclusive

Prazas ofertadas:39.

Distribución das prazas por concello:

  • A Coruña: 3
  • A Estrada: 1
  • A Fonsagrada: 1
  • A Laracha: 2
  • Bergondo: 1
  • Carballo: 5
  • Malpica de Bergantiños: 1
  • Marín: 1
  • Melide: 3
  • Moaña: 2
  • Negreira: 1
  • O Barco de Valdeorras: 1
  • O Rosal: 1
  • Ordes: 2
  • Ortigueira: 1
  • Ponteareas: 1
  • Redondela: 2
  • Ribeira: 1
  • Santiago de Compostela: 1
  • Soutomaior: 1
  • Tui: 3
  • Vilagarcía de Arousa: 3
  • Viveiro: 1

Desde finais do ano 2015, a Academia impulsa un novo horizonte formativo ampliando principalmente a entrada de novos colectivos e asumindo novas competencias ligadas os seus fins, supoñendo nalgúns casos a consecución de fitos históricos para a Agasp.

Un deses fitos históricos constitúeo a regulación en colaboración ca FEGAMP e por primeira vez na Comunidade Autónoma dos procesos centralizados de selección de Policía Local e os auxiliares de Policía Local.

O 11 de Marzo do 2019, publicouse no Diario Oficial de Galicia o Decreto 20/2019, do 28 de febreiro, polo que se modifica o Decreto 115/2017 e polo que se regula a cooperación da Administración xeral da Comunidade Autónoma de Galicia cos concellos na selección dos membros dos corpos de Policía Local, vixiantes municipais e auxiliares de policía local.

Durante o ano 2018 asináronse convenios cos Concellos que, ademais, nasúa maioría delegaron as convocatorias concretas das súas prazas de policías e auxiliares de policía local.

Convenio tipo para delegar polos concellos na AGASP os procesos selectivos unitarios da policía local, auxiliares de policía local e vixiantes municipais